Җырчы Гөлдания Хәйруллинаның кызы Лилиянең өч улы бар. Ул башка җырчылардан аермалы буларак, аларны социаль челтәрдә күрсәткәне юк. Бу юлы Лилия Хәйруллина социаль челтәрдә ике улы белән төшкән фотосын куйган, әмма балалар арты белән төшкән.
«Әни булгач, синең тормышын 360 градуска үзгәрә. Минем әни хәзерге хатын-кызларның кыюлыгына, күп бала алып кайтырга курыкмауларына шакката.
«Ярый әле сине үстердем, күбрәккә көчем җитмәс иде», – ди ул.
Килеп туган хәлләр мәҗбүр иткәндә, көч табыла дип уйлыйм мин», – дип язган җырчы.
Лилиянең виртуаль дуслары «синең өч малаймы», «бу синең малайларыңмы», «стильле малайлар», дип язган.
Шулай ук алар үзләренең ничә бала үстерүләре белән дә уртаклашкан. «Сәламәтлегем һәм акчам булса, табар да, табар идем. Сабый чакларын бигрәк яратам», – дип язучы да бар.
Лилия Хәйруллинаның өченче тапкыр әни булуы турында язган идек.
