Лилия Хәйруллина бала табу хакында: «Хатын-кызга бигрәк күп нәрсәләр кичерергә язган»
Җырчы Лилия Хәйруллина өченче тапкыр әни булды. Ул үзенең хис-кичерешләрен тасвирлап язган.
«Яңалыклар! Минем улым бар, буе — 53 см, авырлыгы — 3390гр. Мин бик шат. Барыгызга да котлауларыгыз, изге теләкләрегез өчен бик зур рәхмәт! Үзем таптым. Үзәк өзгеч авыртулар булса да, бала табу процессы бик җиңел һәм тиз узды дип саныйм. 40 атнада таптым. 04:23 сәгатьтә бәби табу бүлмәсенә кереп киттем, 04:47дә таптым.
Хатын-кызга бигрәк күп нәрсәләр кичерергә язган. Чиксез авыртулар һәм чиксез мәхәббәт… Гомумән алганда, мин бик тыныч, әзерлекле идем. Паникага бирелмичә, үземнең максатыма ачык бардым.
Бала туу — тормышта була торган глобаль вакыйга. Дөнья инде элеккечә булмый, тормыш тагын да матуррак, ямьлерәк, миллион тапкырга җаваплыракка әйләнә», — дип язган җырчы.
