Җырчы Иркәнең ире Артур мобилизация башлангач махсус хәрби операциягә китте. Артур кыска вакытлы ялын Иркәнең концертларына туры китереп кайтты. Тамашачы аны сәхнәдә дә күрде. Алар Артур өчен борчылып, социаль челтәрләрдә Иркәдән аның хәлен сорашып тора. Бу юлы да җырчы, тамашачыларының соравына җавап итеп, иренең кыр чәчәкләре бәйләме тоткан фотосын куйган.
«Кайттымы әле?» – дип сорыйсыз. Юк! Әлегә шунда, хәбәре бар. Әнә миңа чәчкәләр җыйган. Кулында чәчәк бәйләме, һәрвакыттагыча елмайган. Рәхмәт, шундый булганың өчен. Без сине бик яратабыз, көтәбез», – дип язган җырчы.
Җырчы Иркәнең ире кабат махсус хәрби операциягә киткән.
Фото: © Иркәнең социаль челтәрдәге сәхифәсеннән