Җырчы Илшат Сафин беренче тапкыр әти булган. Бу хакта социаль челтәрләрдәге «Зур баян» төркеме яза. 14 март көнне җырчының улы туган.
Илшатны һәм тормыш иптәшен әлеге матур вакыйга белән чын күңелдән тәбрик итәбез.
Дөресен генә әйткәндә, шәхси тормышын чит-ят күзләрдән бик нык яшереп килгән Илшатның өйләнгәнен дә белми калдык. Ул үзе «Интертат»ка интервьюда: «Әйдә, миңа өйлән», – дип әйтүчеләр дә бар. Яшермим. «Әйдә, мин бүген мантый пешердем», «Әйдә, миңа чәй эчергә кереп чык әле», – диючеләр дә бар», – дип сөйләгән иде.
