Ел башында Илнат Фәрхуллин белән кәләше Регинаның никахы булды. Бүген алар гөрләтеп туйларын үткәргән. Җырчы социаль челтәрдәге сәхифәсендә «Безнең көн» дип фото һәм видеолар белән уртаклаша.
Иҗади гаилә туйларында гендер-пати да үткәргән, тик әлегә интрига саклана. Алар бу хакта халыкка соңрак хәбәр итәргә булган, күрәсең. Әлегә видеода бер мизгелдә генә ал һәм зәңгәрсу шарлар күренеп алды.
Илнат белән Регинаның бу икесе өчен дә икенче тапкыр гаилә корулары. Илнатның беренче никахыннан кызы һәм улы үсә, ә Регинаның улы бар.
Яшьләргә бәхет һәм сәламәт балалар телибез!
