Илнат Фәрхуллинның туй көне билгеле
Татар эстрадасынданы буйдак егетләр исеме бер егеткә кимеде.
Илнат Фәрхуллин кәләше Регинага узган елның ноябрь аенда тәкъдим ясаган иде. Кичә, 3 гыйнварда, Казанда Регина белән Илнатның никах туйлары узды.
Регина сүзләренчә, никах «Иман нуры» мәчетендә үткән. Никахны Әхмәт хәзрәт Сабиров укыган. Мәҗлестә кәләш белән кияүнең әти-әниләре һәм бертуганнары гына булган. «Никахыбызны зур итеп уздырмадык. Туйны исә зурлап үткәрергә планлаштырабыз», – ди кәләш.
Туй җәй көне үтәчәк. Мәҗлеснең датасы билгеле булса да, Регинаның әлегә бу хакта әйтәсе килмәде. «Дата да сайланды, алып баручы да билгеле», – ди ул. Чыгымнарны исә әле кәләш белән кияү санамаган. «Бар чыгымнарны Илнат каплаячак», – ди Регина.
Яшьләрне ихластан котлыйбыз!