Гөлназ Сираеваның әнисе яшьли вафат булган, әтисе шуннан бирле өйләнмәгән, ялгызы яши. Җырчы авылга әтисе янына кайтып йөри. Бу юлы җырчы әтисенә «бергә фотога төшик» дип мөрәҗәгать иткән, һәм алар арасында кызык әңгәмә туган.
Авылга мыскыл итмә мине.
Нинди авылга мыскыл итү? Синең белән фотога төшәргә ярамыймы?
Ярамый!
Син минем әтиме соң?
Ә? Ә мин каян беләм инде аны?
Син бит инде минем әти.
Бәлки, шулайдыр, мин бит аны күрмәдем.
Син Сираевмы? Гайсәме?
Сираевы – Сираев инде.
Минем әтидер бит инде син. Мин – Сираева Гөлназ Гайсә кызы бит!
Шулаймени? Алайса шулайдыр…
Әңгәмә кыз белән ата кешенең рәхәтләнеп көлүе белән тәмамланган.
«Шундый рәхәт видео», «Приколист», «Үтерде бабай» дип, абзыйны үз иткән җырчының виртуаль дуслары.