Җырчы Ясмин күптәнге хыялын чынга ашырган
Артист яраткан спорт төре белән шөгыльләнә башлаган.
Казан шәһәр филармониясе артисты Ясмин пандемиядән соң күптәнге хыялын чынга ашыру өчен илһамланган.
«Мин зур теннис белән шөгыльләнә башладым. Ул минем күптәнге хыялым иде. Нишләп алданрак йөрмәгәнмендер, үзем дә аптырыйм. Коронавирустан соң илһам килде. Миңа шулкадәр ошый, чөнки зур теннис минем иң яраткан спорт төре», — дип сөйләде җырчы.
Ясминның кечкенә кызы да теннис белән шөгыльләнә икән. Җырчы шулай ук шәрык биюе белән мавыккан. «Фигураны карап торырга кирәк», - ди ул.
Ясмин күңелдә һәрвакыт әз генә гашыйклык хисе булырга тиешлеген өстәп әйтте. «Ул хис миндә һәрвакыт булсын иде», — диде. Спорт төренә карата әйттеме икән, әллә..?