Яшелчәләрдән һәм тавык итеннән салат
Питрәч районы Ленино-Кокушкино авылында яшәүче Ләйлә Гайфуллинадан яшелчәләрдән һәм тавык итеннән ясалган салат рецептын тәкъдим итәбез.
Салат өчен: 200 грамм пешкән тавык ите, 1 уртача кыяр, 5-6 редиска, 1 помидор, яшел суган, үсемлек мае.
Итне вак итеп, кыярны ярымбоҗралап, редискаларны түгәрәкләп, помидорны зуррак шакмаклап һәм яшел суганны турарга. Шул тәртиптә тәлинкәгә катлап тезәргә.
Өстәлгә бирер алдыннан үсемлек мае салып болгатырга.
