Татарстанның Яшел Үзән районында көчле җил вакытында 64 яшьлек ир-ат өстенә агач ауган. Россия Гадәттән тыш хәлләр министрлыгының ТР буенча Баш идарәсе хәбәр иткәнчә, ул һәлак булган.
Җилнең тизлеге секундына 22 метрга җиткән, нәтиҗәдә узган төндә республикада 20 агач ауган: Казанда – 2 очрак, Яшел Үзән районында – 16, Буа һәм Югары Ослан районнарында – берәр.
Яшел Үзән районының Васильево бистәсендә агачлар аву нәтиҗәсендә автомобильгә зыян килгән.
Фото: © Россия Гадәттән тыш хәлләр министрлыгының ТР буенча Баш идарәсе