Әле кичә генә сайтыбызда 5 бала әнисе, яман шеш белән көрәшүче Ләйсән Шәймәрдановага ярдәм кирәклеге турында язган идек. Кызганыч, яңа гына Ләйсәннең арабыздан китүе турындагы авыр хәбәр алдык. Бу хакта «Интертат»ка Ләйсәннең әнисе Гөлшат ханым шалтыратып әйтте.
«Кызыбыз китеп барды… Ләйсәнебез юк инде», – диде Гөлшат апа, күз яшьләре аша.
Түбәндәге язмада Ләйсәннең әнисе Гөлшат апа да, якын дусты, җырчы Ильмира Хамматова да аның нинди якты күңелле кеше булуы турында сөйләгәннәр иде.
Ләйсән Шәймәрданованың якыннары һәм барлык туганнарының тирән кайгысын уртаклашабыз.