Яман шеш белән авыручы Казан кызы Энҗе Галиуллинага матди ярдәм кирәк булуы турында язган идек. 25 октябрь көнне Энҗе Төркия хастаханәсендә дөнья куйган. Бу хакта аның социаль челтәрдәге сәхифәсендә хәбәр иткәннәр.
Энҗене Татарстанга алып кайтып, бүген төшкә кадәр Казанның Мөселман зиратына җирләгәннәр.
Төркия табиблары Энҗегә ярдәм итәргә алынган иде. Чит илдә бик кыйммәткә төшүче химиотерапия курсы узу һәм сөяк миен күчереп утырту өчен, Энҗенең якыннары халыктан ярдәм сорады.
«Энҗегә, аның гаиләсенә матди һәм мораль ярдәм күрсәткән һәр кешегә зур рәхмәт», – диелә постта.
Энҗе Галиуллинаның тормыш иптәше тол, 10 яшьлек кызы һәм 6 яшьлек улы ятим калды...
Фото: © социаль челтәрләр