Җырчы егет Артур Хәсәновның 2 атналык ялы ахырына якынлаша. 15 апрель көнне ул кире махсус операциягә китәчәк. Әлегә җырчы хастаханә юлында йөри икән. Бу хакта Артур «Шәһри Чаллы» газетасына сөйләгән.
«Берсекөнгә инде китәм, әлегә сәламәтлекне ныгытып йөрим, система алам. Кемнең китәсе килсен, бер дә җиңел түгел», – дигән ул газета хәбәрчесенә.
Артур Хәсәнов, мобилизациягә эләккәч, Филүс Каһиров репертуарыннан «Киек каз юллары» җырын үзәккә үтәрлек моңлы итеп башкарып танылды. Үзе Украинада вакытта әлеге җыры белән «Туган тел» милли премиясе»нә дә лаек булган иде. Артур бүләк статуэткасын яңа гына барып алган. Җырчы сторисларына күптән күрешмәгән иҗатташ дуслары белән очрашкан мизгелләрне дә куеп бара.