Татарстанда бүген 18 сәгатькә сайлауга килү күрсәткече 72,4 процент тәшкил иткән

Татарстанда Россия Федераль Җыены IX чакырылыш Дәүләт Думасы депутатларын сайлауның өченче көнендә – 20-сентябрь 18.00 сәгатькә сайлауга килү күрсәткече 72,4 процент тәшкил иткән. Бу хакта Татарстан Республикасы Үзәк сайлау комиссиясе рәисе Андрей Кондратьев хәбәр итте.

Ул барлык 2742 участок сайлау комиссиясе ябылганын, хәзер бюллетеньнар исәпләү алып барылачагын әйтте.

• Татарстанда IX чакырылыш Россия Федерациясе Дәүләт Думасы депутатларын сайлау 18-20 сентябрь көннәрендә барды. Республикада сайлау участоклары 8:00 сәгатьтә ачылып, 20:00 сәгатьткә кадәр эшләде.
• Илдә барлыгы 20,7 мең депутат мандатын һәм вазифаны алыштыру күздә тотыла.
• Татарстанда шул ук вакытта 50нче Биектау бермандатлы сайлау округында ТР Дәүләт Советының VII чакырылыш депутатын өстәмә сайлау һәм өстәмә муниципаль сайлаулар үткәрелде.