«Яңа мәхәббәт таптыңмы?» - Җырчы Прохор Шаляпин олы яшьтәге актриса белән фото куйган
Россия эстрадасы йолдызы үзеннән олы яшьтәге бай хатыннарны «аулаучы» буларак билгеле.
Россия эстрадасы йолдызы, үзеннән олы яшьтәге бай хатыннарны «аулаучы» Прохор Шаляпин Яңа ел белән котлаган һәм матур теләкләр теләгән. Шулай үз сәхифәсенә талантлы актриса Елена Полякова белән төшкән фотосын куйган.
Инстачылар аның олы яшьтәге актриса белән куйган фотосын «сине төзәтеп булмый» дип кабул иткән.
«Яңа мәхәббәт таптыңмы?», «Актриса тол хатын, тизрәк үзеңнеке итәргә кирәк», «Чибәркәйне җибәрмә», «Яңа хатыны дип торам», Прохор үз репертуарында», «Прохор, сине төзәтеп булмый», «Ай, яшьләр. Лондонда фатир алу өчен барысына да бара», «Искиткеч пар», — дип төртмәле сүзләр язган инстачылар.
Прохор Шаляпинның 42 яшьлек миллионер хатыны Татьяна Клаудиа Дэвис коронавирустан үлгән дип язган идек.