Тамашачы Рафил Җәләлиевны һәрвакыт тормыш иптәше Эльмира Гыйльфанова белән бергә күреп ияләнгән. Яшьләр концертларда парлы җырчылар буларак чыгыш ясый, мәҗлесләрне дә күп очракта бергә алып бара. Ләкин Рафил Җәләлиев социаль челтәрләрдә яңа бәйрәмнәр сезонында хатыннан башка гына эшләячәген хәбәр итте. Гармониядә яшәүче әлеге парга нәрсә булган соң? Араларыннан кара мәче узмагандыр бит?
Борчылырга бер дә урын юк. Рафил Җәләлиев белән Эльмира Гыйльфанова әти-әни булырга җыена. Эльмираның бәби табар вакыты җитеп килә, шуңа да бәйрәмнәр алып баруны иренең үзенә генә тапшырган, күрәсең. Шул гына.
Рафил үзе социаль челтәрләрдә: «Быел безне Сабантуй бәйрәмендә парлы җырчылар буларак күреп булмаячак. Хатын ялда, аны алып килеп булмый. Шуңа күрә ишәгем белән килсәм генә инде», – дип шаяртып язып куйган.