Җырчы Винарис Ильегет социаль челтәрдә мәрхүмә Хәмдүнә Тимергалиеваны искә алган...
«Хәмдүнә апа белән төшкән иң соңгы фото, аның бездән китәренә бер атна алдан... Бүген дуслар белән бакчага баргач, ничектер күңелсез булып китте. Дусларымның бакчасы Хәмдүнә апа бакчасын хәтерләтте. Без аның җырларын кабызып куйдык, әйтерсең лә Хәмдүнә апа үзе янәшәдә иде. Бик сагынам аны, аның биргән кинәшләрен, сөйләгән сүзләрен сагынам... Тыныч йокла, Бөек кешем!» – дип язган Винарис.
Татарстанның халык артисты Хәмдүнә Тимергалиева 2020 елның 14 сентябрендә нәкъ менә бакчасында бакыйлыкка күчте. Сәламәтлеге какшаса да, соңгы көннәренә кадәр ул сәхнәдә булды. Әлеге легендар шәхесне тамашачысы да, татар эстрадасы җырчылары да онытмый. Концертларда даими искә алалар.
Урыны оҗмах түрләрендә булсын Хәмдүнә апаның. Амин.
- Хәмдүнә Тимергалиева: «Нигә бала тапмадым икән дип үкенәм»
- Хәмдүнә Тимергалиева белән хушлашу: «Мактаулы исемне иртәрәк бирергә кирәк булгандыр»
- Хәмдүнә Тимергалиева: «Илһам абый миңа кияүгә чыгарга тәкъдим ясаган иде…»
- Винарис Ильегет: «Бала алып кайтырга курыксак та, тырышып карарбыз»
