![Вадим Захаров халык артисты исеме алуы турында: «Әни генә күрә алмады»](https://intertat.tatar/resize/shd/images/uploads/news/2023/11/2/d1bf36c573f167e6a0d22b951562d602.jpg)
Бүген җырчы Вадим Захаровка «Татарстанның халык артисты» дигән мактаулы исем бирелүе хакында хәбәр иткән идек. Ниһаять, җырчы үзе дә сторисларында хәбәргә чыкты. Нечкә күңелле, ихлас Вадим Захаровның шатлыктан, хәтта, күңеле дә тулган.
«Дуслар, әле 1-2 сәгать элек гади генә керәшен егете Вадим Захаровны «Татарстанның халык артисты» дигән мактаулы исем белән бүләкләргә дигән указга кул куелган, диделәр. Әле ышанып та бетеп булмый. Зур рәхмәт тамашачыларга, әти-әнигә, гаиләгә. Мин бу зур бүләкне әнигә багышлыйм. Әни генә күрә алмады…
Менә шундый сөенечле хәбәрләр килде. Бергә булыйк, куаныч-шатлыкларыбызны уртаклашып, бүлешеп яшик», – дигән ул.
Искәртеп үтик, бүген – 2 ноябрьдә Галиәсгар Камал исемендәге Татар дәүләт академия театры артисты Олег Фазылҗановка да «Татарстанның халык артисты» исеме бирелде.