Галиәсгар Камал исемендәге Татар дәүләт Академия театры артисты Олег Фазылҗановка «Татарстанның халык артисты» дигән мактаулы исем бирелгән. Бу турыда керәшеннәрнең «Туганайлар» газетасы социаль челтәрдә хәбәр итте.
«Олег дәдәйне чын күңелдән котлыйбыз!» – дип яза керәшеннәр газетасы.
Искәртеп үтик, бүген җырчы Вадим Захаровка да «Татарстан халык артисты» дигән мактаулы исем бирелде.
«Хөрмәтле дуслар! Мин – гади керәшен егетен «Татарстанның халык артисты» дигән мактаулы исем белән бүләкләргә дигән указга кул куелган, диләр. Котлауларга рәхмәт! Әле ышанып та бетә алмыйм», – дип язды ул социаль челтәрдә.
