Махсус операциягә киткән Радик Динәхмәтов хәрбиләр янында бии-бии чыгыш ясый – видео
Үз теләге белән махсус операциягә киткән Башкортстанның халык артисты Радик Динәхмәтов хәрбиләр алдында чыгыш ясаган. Аның бии-бии җырлаган видеосын «Безнең Башкортстан» төркеменә урнаштырганнар.
«Әле дә син бар әле дөньяда» җыры белән танылган башкаручы әлегә махсус операция зонасына китмәгән. Ул полигонда өйрәнүләр уза. «Минем вазифа – медвзвод санитары. Яралыларга беренче ярдәм күрсәтергә өйрәнәбез. Моннан тыш, мин тулы хәрби әзерлек узарга тиеш – окоп казу, марш-бросоклар. Без көн саен полигонда», – дип сөйләгән ул.
