«Әле дә син бар әле дөньяда» җыры белән танылган Радик Динәхмәтов махсус операциягә китә

Җырчы, Башкортстанның атказанган артисты Радик Динәхмәтов контракт белән махсус хәрби операциягә киткән, дип хәбәр итә «Юлдаш» радиосы. «Минем вазифа – медвзвод санитары. Яралыларга беренче ярдәм күрсәтергә өйрәнәбез. Моннан тыш, мин тулы хәрби әзерлек узарга тиеш – окоп казу, марш-бросоклар. Без көн саен полигонда», – дип сөйләгән җырчы.

Радик Динәхмәтов «Әле дә син бар әле дөньяда», «Зәңгәр күзле кызны сагынам», «Күрше хакы – тәңре хакы» кебек җырларны җырлап танылды. Ул 7 аудиоальбом, 4 диск чыгарган.

Аңа 58 яшь.

Социаль челтәрләрдә аның бу адымын төрлечә бәяләгәннәр. «Кызганыч», «58 яшьтә марш-бросоклар өчен олырак», «Инсульт та кичергән иде түгелме» дип тә язалар, шулай ук «Чын кеше булып чыккан!» дип горурланучылар да бар.