Украинадагы солдат Чаллы хатыннары үргән маскировка ятьмәләре нигә кирәк икәнен күрсәтте
Украинадагы махсус хәрби операциядә катнашучы солдат маскировка ятьмәләрен ничек куллануларын күрсәткән. Бу ятьмәне Чаллыда яшәүче хатын-кызлар бәйләгән. Бу турыда «Челнинские известия» газетасы яза.
Ул маскировка ятьмәләрен бәйли торган цехка фронттагы ниндидер объектның фотосын җибәргән. Бу объект куе үлән төсендәге япма белән капланган.
Аудиохәбәрдә солдат: «Ятьмәләр шәп, алар өчен зур рәхмәт!» – дип өстәгән.
«Безнең бәйләүчеләр үз эшләрен шундук таныды. Бик сөенделәр. Тырышлыгың кергән әйберне куллануларын күрү рәхәт», – диде проектның кураторы.
Аның сүзләренчә, бәйләүчеләрнең эше өзлексез бара. Ятьмәләрнең чираттагы партиясе сатып алынган. Битараф булмаган гражданнар чүпрәкләр алып килә (хәзер ак төстәге тукымалар актуаль), ятьмәләрне үрергә дә киләләр.