Уфаның элеккеге мэры, Дәүләт Думасы депутаты Павел Качкаев вафат булган. Бу турыда «Башинформ» яза.
Агентлыкның үз чыганагы белешмәсе буенча, фаҗига Уфа районында Качкаевның шәхси дачасында була. Павел Рюриковичның йөрәге кинәт кенә авырта башлый. Аны Булгаков авылы хастаханәсенә илтәләр. Кызганычка, табиблар аны коткара алмый.
Башкорстан Башлыгы Радий Хәбиров социаль челтәрләрдә кайгы уртаклашу сүзләре язган.
«Павел Рюрикович Качкаевны белгән һәркем өчен көтелмәгән һәм бик тә кайгылы хәбәр. Дәүләт Думасы депутаты, якты йөзле, һәрвакыт тормыш сөючән юлдашыбыз, элекке Уфа мэры, шәһәр халкы яраткан шәхес – Павел Рюриковичның йөрәге тибүдән туктады. Кызганыч, төзәтеп булмаслык хәл. Якыннарына һәм туганнарына кайгы уртаклашу белдерәм», – дип язган социаль челтәрләрдә республика Башлыгы Радий Хәбиров.
- Павел Качкаев 1951 елның 4 октябрендә Чишмә районының Черниговка авылында туган.
