«Татарстанның ике даны!» - Җырчы Ильяс Халиков «Манзара»га багышлап шигырь язган
Көрәшче-җырчы Ильяс Халиков «Манзара» спорт-музыкаль премиясенә һәм Айдар Шәймәрданов белән Илшат Идиатов арасында булачак көрәшкә багышлап шигырь язган.
Көрәшче-җырчы Ильяс Халиков 16 гыйнвар көнне циркта узачак «Манзара» премиясенә багышлап шигырь язган. Шигырь иң көтелгән алыш — «Манзара» җитәкчесе Айдар Шәймәрданов белән танылган көрәшче һәм тренер Илшат Идиатов арасында булачак көрәшкә да багышланган.
«Шигырь яздым әле утырып, Айдар белән Илшат көрәшә дигәч», — дип язып, ул үзенең инстаграм сәхифәсенә пост та урнаштырган. Үз чиратында, барлык язылучыларын 16 гыйнвар көнне «Манзара» премиясенә дә чакырган. «Килми калма, мин дә җырлыйм», — дип тә язып куйган.
Берегез — Әгерҗе!
Икенчегез — Чүпрәле!
Татарстанның ике даны –
Батырларны күр әле!
Илшат уйлый, Айдар борчыла.
Көрәшләре ничек барыр?
Келәмгә чыккач күренер,
Кайсысы батыр калыр!
Манзарада көрәшчеләр,
Берсеннән-берсе батыр!
Келәмдәге көрәшләрдән
Тамашачы таң калыр!