Татарстанда күп балалы гаиләдә тагын өч игезәк туган
Кама балалар медицина үзәгендә соңгы ике айда гына ике тапкыр өч игезәк бала туган.
Чаллыдагы Кама балалар медицина үзәгендә табиблар Кесарев кисеме ясап өч игезәк баланы дөньяга китергән. Бу турыда үзәкнең матбугат хезмәте хәбәр итте.
11 июльдә Баймөхәммәтовлар гаиләсендә берьюлы өч бала барлыкка килгән. Аларның авырлыгы 2130, 2300, 2150 грамм. Әлегә балаларны табиблар күзәтүе астында тәрбиялиләр.
Моңа кадәр бу гаиләдә бер ул һәм ике кыз булган инде. Шулай итеп, Марина белән Фидаил гаиләсендә хәзер алты бала бар.
Нәни малай һәм ике кызга Әмир, Амелия һәм Наилә дип исем кушканнар.
11 июльдә Баймөхәммәтовлар гаиләсендә берьюлы өч бала барлыкка килгән. Аларның авырлыгы 2130, 2300, 2150 грамм. Әлегә балаларны табиблар күзәтүе астында тәрбиялиләр.
Моңа кадәр бу гаиләдә бер ул һәм ике кыз булган инде. Шулай итеп, Марина белән Фидаил гаиләсендә хәзер алты бала бар.
Нәни малай һәм ике кызга Әмир, Амелия һәм Наилә дип исем кушканнар.
- Өч игезәк табу күренеше сирәк очрый торган хәл. Тик соңгы ике ай эчендә генә Кама балалар медицина үзәгендә икенче тапкыр өч бала берьюлы туды. 2 июньдә Чаллы балалар тудыру үзәгендә гаиләнең көтелгән балалары — ике кызы һәм улы берьюлы туган, дип хәбәр иткән идек. Балаларның авырлыгы 1225, 1740, 2035 грамм.
