Татарстан Республикасы Дәүләт Советы депутаты, Халык язучысы Ркаил Зәйдулла икенче срокка Татарстан Язучылар берлеге рәисе итеп сайланды. Бүген «Корстон» мәдәният үзәгендә узган Татарстан Язучылар берлеге корылтаенда аның өчен 167 язучы тавыш бирде. Тагын бер кандидат Хәбир Ибраһим өчен 20 язучы тавыш бирде. 7 бюллетень бозык дип табылган.
Корылтайда рәислеккә кандидат итеп 3 язучы – Ркаил Зәйдулла, Хәбир Ибраһим һәм Рәмис Аймәт тәкъдим ителгән иде. Рәмис Аймәт үз теләге белән сайлаудан кандидатурасын кире алды.
- Ркаил Зәйдулла – шагыйрь, язучы, драматург, публицист, Муса Җәлил исемендәге республика премиясе лауреаты, Габдулла Тукай премиясе лауреаты, Татарстанның халык язучысы, Татарстан Республикасы Дәүләт Советы депутаты, 63 яшь.
