Татарча җырлаучы рус кызы Анастасия Макаровага «Татарстанның атказанган артисты» дигән мактаулы исем бирелгән.
«Минем тормышымда да нәкъ Василий Лебедев-Кумачев җырындагыча «Молодым везде у нас дорога» булды.
Дәрәҗәле исем – мин моның нинди зур аванс белән бирелгәнлеген яхшы аңлыйм. Мин бу исемне горурланып йөртергә вәгъдә бирәм. Җырларга һәм мәдәниятебез белән бу дөньяның барлык почмакларында да халык белән бүлешергә әзермен.
Миңа, күпбалалы гаиләдән чыккан гап-гади авыл кызына Татарстанның атказанган артисты булу мөмкинлеге биргән өчен Республикама бик рәхмәтлемен», – дигән ул.
Анастасияне комментарийларда дуслары да тәбрик итә.
«Кадерле дустым, хәтереңдәме, 14 яшьтә син: «Мин атказанган артист булачакмын», – дигән идең. Күпләр сиңа ышанмады, ә син әкрен генә үз юлың белән бардың. Әлеге исем артында искиткеч зур хезмәт тора. Алга таба да уңышлар», – дигәне дә бар.
