Инсультка каршы көрәш көне: «Минем белән бу беркайчан да булмас, димә»
Инсульт безнең чорның мәкерле авыруына әверелеп бара. Бу чир арту дәвам итә. Бигрәк кызганыч, ул яшьләр арасында да киң тарала... Әле бер 5 ел чамасы элек кенә, урамдашларның яшь кенә килен тиешле туганнарын инсульт егып, инвалид коляскасына калуын ишеткәч шаккаткан идек. Ә хәзер бу мәкерле чир яшәргәннән-яшәрә.