Урмансыз тормыш юк. Хак сүзләр шул. Бөтен халыкка әллә ни сизелмәсә дә, урманчыларның хезмәте бик зур. Урмандагы агачлар мәһабәт булып үсеп җиткәнче шактый тырышлык һәм хезмәт таләп ителә. Бүгенге язманы әзерләр өчен СММ-белгечебез Милена Новикова һәм журналистыбыз Юлай Низаев Биектау районында урнашкан Ашыт урман участогына барды.

Урманнарны җир йөзенең үпкәләре, дибез. Ул үпкәләрне табиблар кебек карап торучылар – урманчылар. Алар вакыты җиткән агачларны кисеп, яңаларын утырталар. Үзләренең һөнәрләре турында Саба урманчылары сөйләде.