Татарстан өчен гадәти булмаган бәйрәмне тамаша кылып кайту насыйп булды. Ул да булса Ютазыда гөрләгән «Кымыз бәйрәме» Төбәкара фестивале. Ул 2нче ел рәттән Ютазы районының Әбсәләм авылында үтте.

Кымыз — бия сөтеннән әчетеп әзерләнгән эчемлек. Аны иң беренче күчмә халыклар ясарга өйрәнгән һәм эшләү ысулын гасырлар буена сер итеп саклаган. Кызганыч, Татарстанда кымыз ясаучыларны бармак белән генә санап була.