Шикәр чөгендере басуларында өем-өем бу татлы тамыр ятканын күргәнем булса да, ачы көзләрдә ничек казып алуларын, заводларга илтүләрен беләсе килү кызыктырды. Күрмәгәннең – күрәсе, күргәннең качасы килә, дигән сүз хак икән ул. Чөгендер басуларыннан аны шикәр заводына илтүне күреп кайткач, уңыш өчен чын көрәш шулай була икән, дигән нәтиҗә ясадым.

Буа районының Каенлык авылы халкы «авылны төлкеләр басты» дип оран салгач, бу хәлгә ачыклык кертергә һәм ярдәм итәргә булдык. Чынлап та биредә яшәүчеләр, ничек кош-кортны саклап калырга, дип баш вата икән… Кош-корт, мал-туар асрау – авыл халкының төп керем чыганагы, ә төлкеләр бер-бер артлы абзар-сарайларны бушата торса, кешегә нишләргә соң?

Басу-кырларда урып-җыю эшләренең кызган чагы. Без килгәндә Буа районы хуҗалыкларында бодай һәм арпа суктыралар иде. Быелгы уңыш сөендерерлекме? Буа районы «Авангард» һәм «Коммуна» агрофирмалары игенчеләре белән «Татар-информ» хәбәрчесе сөйләшеп кайтты.