Төркиядә һәлак булган «Сәләт» әйдәманының мәетен Казанга кайтару өчен акча җыялар
«Аргамак» лагере директоры Айдар Якупов суда батып үлгән.
Төркиядә ял иткән чакта «Сәләт» хәрәкәте җитәкчеләренең берсе, «Аргамак» лагере директоры Айдар Якупов батып үлгән. Бу турыда Айдарның дусты Тимур Назаров Instagram-аккаунтында язган.
Назаров һәм Якупов бергә ял иткән. 19 ноябрьдә Газипаша аэропорты тирәсендә фаҗига була. «Татарстан 24» каналы шул хакта хәбәр итте.
«Дулкыннар аннан көчлерәк иде. 25-30 минут узгач, бер балыкчы аның янына йөзеп барды, аны катерга алып чыкты. Катер ярдәм итәргә килеп җиткән иде. Айдарны якындагы пристаньга алып киттеләр, аңа ашыгыч ярдәм экипажы беренче ярдәм күрсәтте, ләкин.», — дип яза Тимур.
Хәзер Айдарның мәетен Казанга алып кайту мәсьәләсе хәл ителә, акча җыю игълан ителгән.
- Кичә «Сәләт» әйдәманы, база директоры Айдар Якупов һәлак булган, дип язган идек.