Түбән Камада 23 яшьлек кызны үтерүдә шикләнелгән кеше кулга алынган
Түбән Кама полициясе ачыклаганча, 23 яшьлек кызны үтерүдә Самара өлкәсе кешесе гаепләнә. Бу хакта НТР-24 телеканалы хәбәр итә.
29 яшьлек гаепләнүчене инде кулга алганнар. Бу хәбәрне НТР-24 телеканалына Түбән Кама районы буенча Эчке эшләр министрлыгы идарәсендә җиткергәннәр.
Искәртеп үтик, кызның үле гәүдәсе, 27 сентябрь көнне, Бакый Урманче урамындагы 28 йортта табыла. "Үтерү" маддәсе буенча җинаять эше ачыла.
Җинаять кылуда шикле кешене Татарстаннан читтә кулга алалар. Анда һәлак булган кызның алтын бизәнү эшләнмәләре табыла. Ир-атның талау һәм урлау буенча хөкем тартылган булуы билгеле. Самара кешесенә әлегә гаепләү билгеләнмәгән.