«Мунча ташы» эстрада театрының сәнгать җитәкчесе, Татарстанның халык артисты Гамил Әсхәдулла гөмбә «оясы» табып, зур кәрҗин белән гөмбә җыеп кайткан.
«Менә, җәмәгать, гөмбәдә. Рәхәтләнеп җый. Аллаһ Тәгалә быел бар нәрсәне дә бирде», – дип, урман эченнән сторислар куйган иде ул. Озак та үтми, «табыш»ын да күрсәтте.
«Күрәсезме, күпме гөмбә җыеп кайттык. Күрше әйтмешли, Шүрәледән талап алдык. Исән-имин ашарга язсын. Кунакка килегез», – ди артист.
Быел гөмбә аз, дигән булалар тагын!
