«Судка бирәм»: Дивания Критиковна «Күбәләгем» җырын үзенә теркәмәкче – шаян видео

Ләйсән Гыймаева белән Булат Бәйрәмов, ягъни аларның танылган геройлары Дивания Критиковна һәм аның «подружка»сы «Аерылмагыз» җыры тирәсендә туган шау-шуга пародия төшергәннәр. 

Дивания Критиковна «Аерылмагыз»ны җырлап утыра. «Подружка»сы аны бу җырны җырларга ярамавы турында кисәтә. 

Җырлый күрмә бу җырны. Моның өчен проблемалар була. Хәзер бу җырны җырларга ярамый. Аны бер кеше үзенә теркәгән дә, җырлар өчен башкалар рөхсәт сорарга тиеш икән. Сорамыйча җырласаң, сине судка бирәчәкләр, ди.

40 ел буе халык җырына әйләнгән җырны ник җырларга ярамасын, ди, инде. Әкият сөйләмә инде!

Ярамый инде!

Асаф Вәлиевка да ярамыймыни? 

Аңа да ярамый. 

«Күбәләк»не җырларга ярыймы соң? 

Аны ярый.

Алайса, мин бу җырны үземә терким дә үзем генә җырлап йөрим. 

Ә миңа җырларга ярыймы соң «Күбәләк»не?

Юк, җырласаң, мин сине судка бирәм, – дип рәхәтләнеп сузып җибәргән Дивания Критиковна «Күбәләгем»не. 

• «Аерылмагыз» һәм «Миләшләрем» җырларының хокуклары Лэйнада: калганнарга җырлау тыеламы?