Иркә «TMTV» премиясенең кызыл келәменә сакчы егетләр һәм эт белән чыкты
Җырчының эте аны яратмаучы кешеләрне исеннән таный.
«TMTV» премиясен тапшыру тантанасының кызыл келәменә Иркә сакчы егетләр һәм эт белән чыкты.
Сакчылар һәм дүрт аяклы «дусты» белән чыгуны шоу-бизнеста булган тынычсызлык белән аңлатты ул.
«Без үзебезнең төркемгә эт алырга булдык. Концерт залында тегенди-мондый бомба булмасын өчен, без залга беренче булып этне кертәбез. Аннан соң гына үзебез керәбез. Мине яратмаучыларны ул истән сизә. Без барысының да исләрен иснәтеп чыктык», — дип сөйләде ул.
