Венера Аитова белән ире икенче улларына матур исем сайлаган | intertat.tatar

Венера Аитова белән ире икенче улларына матур исем сайлаган

Алар бүген бала тудыру йортыннан чыкты.

Венера Аитова нәни улы белән бала тудыру йортыннан чыкты. Нәни малайның исеме Гаяз булган.

Бәхетле гаиләне хастаханәдән каршы алырга ире, беренче улы Гомәр һәм туганнары килгән.

«Гаязлы булдык, Ходайга мең шөкер!!! Табиблар, шәфкать туташларына, РКБның уникаль хезмәткәрләре алдында традицион рәвештә баш иябез!

Катлаулы елның иң зур бүләге булды бу!

Роддомнан елмаеп, шатлыклы күз яшьләре белән кайтып китүдән дә зуррак бәхет бармы икән?!» — дип шатлыгы белән бүлешкән «Яңа гасыр» телеканалында «Таяну ноктасы» тапшыруының элеккеге алып баручысы.

Яшь гаиләнең виртуаль дуслары «Гаязның һәрчак күңел шат, күге аяз булсын», дип теләгән.

Венера Аитованың икенче тапкыр әни булуы турында язган идек.