Анастасия Заворотнюкның кызы Аннаның дуслары: "Әниең өчен дога кылабыз!"

Анастасия Заворотнюкның кызы Аннаның дуслары: "Әниең өчен дога кылабыз!"
Хәзерге вакытта яман шеш белән көрәшеп, комада ятучы актриса, "Моя прекрасная няня" сериалы аша танылган Анастасия Заворотнюкның кызы, модельер Анна Заворотнюк инстаграмында соңгы постны 7 сентябрь көнне куйган булган. Ул вакытта әнисенең хәле кискен начарланмаган иде әле, Анастасия Польша клиникасында дәвалану уза иде.

Ике көн элек Анастасиянең хәле кисәк үзгәрде, табиблар аны медикаментоз комага кертергә һәм яман шешне дәвалый торган препаратлар куллануны туктатырга мәҗбүр булдылар. Бүген тагын да начар хәбәрләр килеп иреште - Анастасиянең кайбер әгъзалары эшләүдән туктаган.

Аннаның 7 сентябрь көнне куйган посты астында аның инстадаш дуслары яза. "Без барыбыз да әниең өчен дога кылабыз. Аллаһө Тәгалә аңа бу көрәштә җиңәргә насыйп итсен!", "Зинһар, Анастасия турындагы хәбәрләрнең ялган икәнен раслагыз!" дип ялваралар Аннага инстадашлары.