Фирдүс Тямаевның кайсы җиренә операция ясатканы билгеле булды
Җырчы палатада видео төшергән.
Фирдүс Тямаев операциядән соң яңа видео куйган. Анда ул култык таягы белән йөри, бер аягы бинт белән бәйләп куелган.
Җырчы аның өчен кайгырып торучыларга рәхмәт әйтә. «Аллага шөкер, мин аякка бастым», - дип аксаклап йөреп тә күрсәтә ул.
Татарстанда энергиясе ташып торган җырчыларның берсе шундый авыр вакытта да күтәренке кәеф белән «Болай булгач, концерт куеп була. Елмайдык тиз генә. Без бирешергә тиеш түгел», - дип тамашачыларына да көч бирә.
Тамашачылар да җырчыга изге теләкләрен язып калдырган.
Татарстанның атказанган җырчысына Германиядә операция булуы турында язган идек.