Сабаның Казбай белән Казбикәсе Бөтенроссия «Каз өмәсе» фестиваль-бәйгесендә катнашты
Саба районы Кызыл Мишә авылында яшәүче Дилбәр һәм Фаиз Нигъмәтҗановлар Беренче Бөтенроссия «Каз өмәсе» фестиваль-бәйгесендә катнашты һәм кызыксындыру бүләгенә лаек булды.
Бәйге өчен алар махсус Казбай белән Казбикәгә милли киемнәр теккән.
Нигъмәтҗановлар шулай ук каз өмәләренә багышланган видеоматериаллар, шигырь һәм җырлар, бию һәм сәхнәләштерелгән композицияләр, каз-үрдәктән пешерелгән татар халык ашлары номинацияләрендә осталыгын күрсәткән.
Кичә Бөтендөнья татар конгрессында җиңүчеләрне бүләкләү тантанасы узды. Фестивальдә Татарстаннан тыш, Башкортстан, Оренбург, Төмән, Пермь, Ханты-Мансийск, Самара, Ульяновск һ.б. чит төбәкләрдән катнашучылар булган. Җиде номинациядән 600гә якын эш җибәрелгән.