Сингапур галимнәре Россиядә эпидемия тәмамланачак срокны тагын да соңракка күчерде
Эпидемия тәмамланачак срок бер айга соңракка кичектерелә.
Сингапур галимнәре Россиядә коронавирус эпидемиясе 20 июльгә бетәчәк дип фаразлаган идеАлар бу датаны бераздан соңракка - август башына күчерде.
Сингапур технология һәм дизайн университеты галимнәре эпидемия 17 августта бетәчәк дип белдерде. Алар башта ук фаразның вәзгыятькә һәм кабул ителгән карарларга бәйле рәвештә үзгәрәчәген әйткән иде.
Төркиядә коронавирус белән авырган 1670 кеше ачыкланган. Бу - соңгы айдагы минималь күрсәткеч. Россиядә әлегә коронавирус белән авыручылар көн саен арта гына бара. Тәүлеккә 10581 кеше ачыкланган.
Роспотребнадзор җитәкчесе Анна Попова якын арада гына коронавируска бәйле чикләүләр бетерелмәячәген белдерде.
Моңа кадәр 11 майдан соң изоляция режимы йомшарачак дигәннәр иде.
