Шагыйрә Лилия Сәлахетдиновага: «Үзеңне сакла!»
Шагыйрә табигатькә гашыйк булуы турында язган.
Шагыйрә Лилия Сәлахетдинова-Тимергалиева тормыш иптәше белән Урицкий паркында булган. Ул үзенең табигатькә гашыйк булуы турында яза.
«Безнең табигать чиксез гүзәллеккә ия. Бездә генә бит ул 4 ел фасылы! Кыштырдап торган кыш, ямь-яшел яз, чәчәкле-җиләкле җәй һәм алтын көз! Никадәр байлык», — дип яза шагыйрә үзенең Instagram сәхифәсендә.
«Лилия, бигрәк җиңел киенгәнсең, салкын тимәсен, үзеңне сакла», — дип кайгырту белдергән бер инстачы.
Бер ханым шагыйрәнең нечкә күңелле һәм бөтен әйбердән матурлык күрә белә торган изге кеше булуы турында язган.