Шәфәгать Салихов Инстаграмга соңгы хәбәрен вафатына өч сәгать элек кенә керткән булган
Күренекле баянчы Шәфәгать Салихов кичә, 27 октябрь кичендә Казан-Чаллы юлында автоһәлакәттә вафат булды. Ул кичен мәҗлестә була, шунда төшерелгән видеоны инстаграмдагы сторисына да элеп куя.
Инстаграмдагы сториска кертелгән роликта Шәфәгать Салихов баянчылар белән "Картаямыни соң йөрәк" җырын баянда башкара.
Инстаграмга соңгы постны баянчы дүрт көн элек керткән булган.
Шәфәгать Салихов автоһәлакәттә кичә, 27 октябрь кичендә вафат булды. Ул, беренче чиратта, Салават Фәтхетдиновның баянчысы буларак билгеле иде. Шәфәгать Салихов бүген туган ягында җирләнә.