"Ул ашыгыч ярдәм кебек иде". Баянчы Шәфәгать Салихов вафат

27 октябрь 2018

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: баянчының социаль челтәрдәге аккаунты
Бүген Казан-Чаллы трассасында авариягә очрап, танылган баянчы Шәфәгать Салихов һәлак булган. Кайгылы хәбәрне "Татар-информ" хәбәрчесенә аның иҗатташ дусты, җырчы Ринас Әхмәтов җиткерде.
Шәфәгать Салихов Казандагы бер мәҗлестә эшләгән һәм икенчесенә барыр өчен ашыкканда Чаллы юлында һәлак булган, дигән мәгълүматны җиткерделәр аның белән таныш артистлар. Әлегә башка хәбәрләр юк.

Баянчының якын дусты, журналист Эльмира Сәлахова Шәфәгать Салихов белән бик күптән таныш булуын әйтте.

"200 дән артык мәҗлесне бергә уздырдык без аның белән. Миңа бу хәбәрне ишетүе бик авыр. Өч көн элек кенә шалтыратышып сөйләшкән иде. Без аның белән, аның гаиләсе белән бик якын аралашып яшәдек. Туемда ул музыкант булды. Чаллыга баргач кереп куна идем, хатыны да шундый кунакчыл иде. Авылга кайткан чаклары булды. Аның белән эшләп шундый зур тәҗрибә тупладым. Мин Чаллыда юл белмичә адашсам да аңа шалтырата идем, аның беркайчан кире какканы булмады. "Ашыгыч ярдәм" кебек иде ул, тормышымда авыр вакытларда да аннан киңәш сорадым", - дип сөйләде Эльмира.

Шәфәгать Салиховка 13 августта 60 яше тулган иде.

"Салават Фәтхетдинов үз концертында аны тамашачыга зурлап кабат күрсәтте. Аның күзләре янып йөрде, бик күңеле булган иде. Халык та аны бик җылы кабул итте. Бу хәбәргә ышанасы килми. Дөнья малы җыябыз, бер көнлек дөнья икәнен уйлаганыбыз юк. Бер туктап уйлансак иде, нинди талантлы кешеләр арабыздан китеп бара", - ди Эльмира.

Шәфәгать Салихов татар тамашачысына Салават Фәтхетдиновның беренче баянчысы буларак мәгълүм. Аның уйнавына кушылып, Салават Фәтхетдинов "Урсал тауда", "Әнкәмнең догалары" җырларын башкарды. Ул Азнакай районыннан.



  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла