Салават Фәтхетдиновның әнисе Тәкълимә апа үзенең егерменче оныкчыгын күрү бәхетенә ирешкән. Җырчының туганнан-туган энесе Айдар Фәтхетдиновның кызы туды дип язган идек. Айдар белән тормыш иптәше кызчыклары Айгизәне Башкортстанның Тәтешле районы Аксәет авылына зур инәйләре янына алып кайтып күрсәткән.
«Зур инәебезнең егерменче оныкчыгы. Исән-сау булыйк барыбыз да» , - дип яза Айдар социаль челтәрләрдә әбиләре белән төшкән фотоны урнаштырып.
«Менә бит бәхетле әби, күпме оныклар, оныкчыклар күргән», «И, Аллакаем, бер айлык Айгизә, 91 яшьлек әбисе. Шушы оныгының баласын күрү иң зур бәхет бит. Исән-сау, гомерле булсыннар», «Әбигә исәнлек, ә оныкчыгына бәхетле, шатлыклы гомер», - дип яза Айдарның виртуаль дуслары.
Салават Фәтхетдиновның урын өстендәге әнисен инде унбиш ел буе төпчек улы Рафил Фәтхетдинов карый дип язган идек.
Фото: © Айдар Фәтхетдиновның социаль челтәрдәге сәхифәсеннән
