Юмор остасы, җырчы Данир Сабировны остазы Салават Фәтхетдинов үзенең Камал театрында узачак концертларына чакырган. Чакыру кәгазен Данир социаль челтәрләрдә күрсәткән. «Талантлы, тырыш, кадерле укучым Данир! Сезне Салават Фәтхетдинов концертларына көтеп кала! Рәхим итеп килегез!» – диелә текстта.
Остазының бу кадәрле матур сүзләр белән дәшүе Данирның күңеленә бик хуш килгән. «Ә укыганда, Азнакай ду… идем бит...» – дип, хатирәләрен дә яңартып алган ул.
«Азнакай ду…»ннан «талантлы, тырыш укучы»га әверелер өчен күпме тырышлык вә көч куйды икән Данир?
Данир Сабиров ничек итеп Салават төркеменә укырга керүе турында да сөйләгән иде.
