Салават Фәтхетдинов: «Рөстәм - чемпион!»
Җырчының улы Россия чемпионатында беренче урын алды.
Җырчы Салават Фәтхетдиновның улы Рөстәм Россия чемпионы булды. Бу турыда җырчы инстаграмда хәбәр итте.
«Ура. Боз өстендә Россия чемпионатының беренче этабы. Рөстәм Фәтхетдинов беренче урын алды. Татарстан рулит», — дип яза ул.
Салават Фәтхетдинов постка видео куйган. Видеода «1600 класслы җиңүчене» игълан итәләр. «Менә ул! Матур», — ди комментатор. Шунда ук Салават Фәтхетдиновны да күрсәтәләр. Ул елмая, сөенечен телефоннан уртаклашканы аңлашыла.
«Ял итәргә туктаган идек. Рөстәм — чемпион», — дип сөйли ул соңрак төшерелгән видеода.
Инстачылар котлаулар яза.