Сабан туе батырлары-2025 – кемнәр алар һәм ниләр отканнар

Азнакай батыры – Альберт Мамалимов

Альберт быел 5 нче тапкыр туган районында батыр булып калган.

Аксубай батыры – Илсур Сафин

Илсур быел 9нчы тапкыр районының баш батыры исеменә лаек булган.

Актаныш батыры – Валерий Минигалиев

Алексеевск батыры – Алмаз Зарипов

Апас батыры – Раян Нургалиев

Арча батыры – Илшат Һидиатов

Районда милли көрәш буенча баш батыр булып Күпербаш авылыннан Илшат Һидиятов калган, аңа тәкә бүләк иткәннәр. Үз авырлыкларында батыр калучылар арасында җиңел машина уйнатылган, монда бәхет 100 килограммнан авыррак үлчәүдә батыр калган Илнур Зәйнуллинга елмайган, бу хакта «Арча хәбәрләре» яза.

Әгерҗе батыры – Илдар Шабаев

Илдар тәкә һәм «Батыр» мини-тракторы белән бүләкләнгән.

Әлмәт батыры – Марат Кәримов

Җиңүчегә традицион бүләк – тәкә һәм квадроцикл тапшырганнар.

Әлки батыры – Илназ Хәмидуллин

Әтнә батыры – Каюм Хәйдәров

Балтач батыры – Руслан Рәфыйков

Батырга бүләк итеп тәкә һәм квадроцикл тапшырганнар.

Баулы батыры – Илмир Сабиров

Биектау батыры – Азат Яруллин

Азатка бер кочак бүләк – тәкә, телевизор, акчалата приз һәм машина тапшырганнар.

Буа батыры – Марат Миначев

Бөгелмә батыры – Алексей Захаров

Зәй батыры – Радик Сәлахов

Радик әлеге исемгә 10 нчы мәртәбә лаек булган. Баш батырга традицион бүләк – тәкә һәм автомобиль бүләк иткәннәр.

Кайбыч районы – Раил Фәсхетдинов

Раил әлеге исемгә 2 нче ел рәттән лаек булган, аңа тәкәдән кала, телевизор һәм мотоблок тапшырылган.

Кама Тамагы батыры – Рифнур Имамиев

Батырга тәкә һәм акчалата бүләк тапшырылган.

Кукмара батыры – Ринат Дәүләтшин

Лаеш батыры – Муса Галләмов

Муса 5 нче тапкыр Лаеш районының баш батыры булып калган. Аңа тәкә һәм «Нива» автомобиле бүләк иткәннәр.

Лениногорск батыры – Абдулла Казыйханов

Абдулла баш батыр исеменә беренче тапкыр лаек булган. Аңа 120 килограммлы тәкә, акчалата сертификат һәм телевизор бүләк иткәннәр.

Мамадыш батыры – Илмир Ахунҗанов

Илмир баш батыр исеменә 5 нче ел рәттән ирешкән.

Менделеевск батыры – Рафаэль Кәлимуллин

Баш батырга тәкә һәм 100 000 сум акчалата бүләк тапшырылган.

Минзәлә батыры – Илнур Камалов

Мөслим батыры – Илдар Сәетгалиев

Батырга тәкә һәм суыткыч бүләк иткәннәр.

Нурлат батыры – Марсель Гозәеров

Марсель 5 нче тапкыр баш батыр булып калган. Аңа тәкә һәм акчалата бүләк тапшырганнар.

Питрәч батыры – Фәрхәт Фәйзуллин

Фәрхәт әлеге исемгә 10 нчы тапкыр лаек булган. Аңа тәкә һәм 150 000 сум акчалата бүләк тапшырылган.

Саба батыры – Рифат Ахунҗанов

Сарман батыры – Радик Насруллин

Баш батырга тәкә, акчалата приз һәм телевизор бүләк иткәннәр.

Теләче батыры – Раил Мараков

Батырга традицон бүләк – тәкә һәм квадроцикл тапшырылган.

Тукай районы батыры – Илгиз Дәүләтгәрәев

Илгиз 21 яшенә баш батыр исеменә лаек булган. Аңа тәкә һәм 150 000 сум акчалата бүләк тапшырылган.

Түбән Кама батыры – Ранис Гыйләҗетдинов

Финалда Ранис танылган көрәшче Раил Нургалиев белән бил алышкан, Раил быел көрәшче карьерасын тәмамлап, башка рәсми ярышларда катнашмавын белдергән иде. Тумышы белән Ранис Гыйләҗетдинов Яр Чаллыдан, былтыр ул Чаллының баш батыры исеменә лаек булды.

Тәтеш батыры – Илназ Шәмсетдинов

Илназ 7 нче мәртәбә районда баш батыр булып калган, аңа бүләккә тәкә һәм суыткыч тапшырылган.

Чирмешән батыры – Марат Кәримов

Баш батырга тәкә һәм питбайк бүләк иткәннәр. Марат тумышы белән Әлмәт районыннан, Чирмешәндә баш батыр исеменә 5 нче тапкыр лаек булган.

Чистай батыры – Булат Мусин

Батырга тәкә һәм акчалата бүләк тапшырылган. Булат тумышы белән Яңа Чишмә районыннан, рәсми ярышларда ул Чистай районы өчен көрәшә.

Чүпрәле батыры – Раил Айнетдинов

Югары Ослан батыры – Рәмис Төхвәтуллин

Рәмис әлеге исемгә 3 нче тапкыр лаек булган, моңа кадәр ул 2011 һәм 2014 елларда районның баш батыры булган. Быел аңа тәкә, суыткыч һәм скутер бүләк иткәннәр.

Яшел Үзән батыры – Айдар Әхмәтов

Баш батырга тәкә һәм автомобиль бүләк иткәннәр.

Яңа Чишмә батыры – Раил Заһретдинов

Батырга тәкә, телевизор һәм 50 мең сум акчалата бүләк тапшырылган.

Спас батыры – Илшат Хөсәенов

Балык Бистәсе батыры – Данил Хәйриев