«Сөенечемнән ике төн йокламадым» — Гөлсирин Абдуллинаның зур шатлыгы бар
Җырчының бертуган энесе армия сафларыннан әйләнеп кайткан.
Җырчы Гөлсирин Абдуллина интаграмда бик зур шатлыгы белән уртаклашкан. Аның энесе армия хезмәтен тәмамлап, өйгә кайткан.
«Ниһаять бу көн килеп җитте! 24.11.20 — 24.11.21. Шушы ике көнне йоклый алмавымның сәбәбе сөенечтән — энем армиядән кайту иде! Аллаһка шөкер, исән -сау кайтты безнең солдатыбыз!» — дип язган ул.
Гөлсирин сторисларына Адилнең авылга, әти-әнисе янына кайтып кергән мизгелләренең видеосын да урнаштырган. Содат егетне якыннары һәм күрше апалары куанычлы күз яшьләре беләнкаршылаган.
«Котлыйбыз сезнең гаиләне чын күңелдән. Шатлык-куанычлар белән яшәргә язсын»;
«Бу чибәр егетне армиягә озатканыгызны хәтерлим. Инде әйләнеп тә кайткан, молодец», — дип комментарийлар калдырган инстачылар да.
«Интертат»ка интервьюда Гөлсирин, гаиләдәге иң өлкән бала буларак, сеңлесен һәм энеләрен үзе карап үстерүе турында сөйләгән иде.