Шагыйрь, даими рәвештә солдат егетләребезгә гуманитар ярдәм җыеп илтүче Рүзәл Минһаҗевның туганы махсус операциядән кыска вакытлы ялга кайткан.
«Озак көттек без бу көнне… Түземсезләнеп көттек.
Туганнан туган абыем – Раилем ялга кайтты, Аллаһка шөкер. Рәхмәт, Раббым, бу көнне күрергә насыйп иткәнең өчен», – дип яза Рүзәл абыйсын каршы алган мизгелләр турында.
Ике туганның сагынышып күрешкән видеосын карап, үзләре дә якыннарын өзелеп көтүче һәм Рүзәлнең сәхифәсен күзәтеп баручы дуслары: «Күңел тулды», «Күзгә яшьләр килде», – дип комментарийлар калдырганнар.